Bekbaevanyń sózinshe, eki joǵary synyp túlekteriniń arasynda kelispeýshilik týyndap, oqýshylar arasynda tóbeleske ulasqan. Tóbeles barysynda oqýshylardyń biri zardap shegip, oǵan qajetti kómek kórsetilgen.

 

– Keshke aýylda jergilikti turǵyndar jınalyp, mektep aýmaǵynda bolǵan toptyq tóbeles saldarynan atalmysh jaǵdaıdyń oryn alýyna baılanysty narazylyqtaryn bildirdi. Sonymen qatar keıbir jasóspirimder men jastar emosıanyń jáne arandatýshylardyń áserinen birneshe jeke úıler men kólikterdiń áınekterin syndyrǵan. Aýyl turǵyndary arasynda, etnosaralyq negizde qandaı da bir janjaldyń, ásirese qaqtyǵystardyń joq ekendigin jáne oǵan jol berilmeıtindigin erekshe atap ótkim keledi. Jergilikti turǵyndar – qazaqtar da, uıǵyrlar da kóp jyldar boıy birge turyp keledi, bir biriniń dostary men kórshileri bolyp tabylady, olardyń barlyǵy shyn júrekten beıbitshilik pen tynyshtyqty qalaıdy, – deıdi resmı ókil.

 

Buǵan deıin Penjim aýylynda mektep oqýshylary arasynda janjal shyǵyp, saldarynan 16 jastaǵy jasóspirim dene jaraqatymen aýdandyq aýrýhanaǵa túskenin habarlanǵan. Artynsha jaraqat alǵan jasóspirimniń jaǵdaıy aýyr ekeni málim boldy.