Almatyda polıseıler Fransýz úıi saýda ortalyǵynyń aldyndaǵy Eıfel munarasynyń kishireıtilgen kóshirmesinen sekirmek bolǵan er adamdy qutqardy. Bul týraly Polisia.kz saıty habarlady.

"102" púltine dabyl túngi ýaqytta kelip tústi. Qońyraý shalǵandar belgisiz er adamnyń Nazarbaev pen Abaı dańǵyldarynyń qıylysynda ornalasqan munaradan sekirmekshi bolyp turǵanyn habarlady. Bizdiń túsirilim tobymyz oqıǵa ornyna alǵashqylardyń biri bolyp jetti. Osy kezde "Fransýz úıiniń" kúzetshisi joǵaryǵa kóterilip, er adammen kelissóz júrgizip jatqan, al "Býran-160" ekıpajynyń patrúlshileri tómende turyp, ótip bara jatqandarmen birge sekirmekshi bolǵan adam oıyndaǵysyn júzege asyratyn bolsa dep tentti sozdy. Yńǵaıly sátti kútip, joǵary kóterildim. Artynan jasyrynyp baryp, kúzetshimen birge er adamdy ustap aldyq, onyń óz-ózine qol jumsaýǵa baǵyttalǵan áreketterine tosqaýyl qoıdyq. Sosyn ony baspaldaqpen tómen túsirdik. Belgisiz adam qatty alkogóldik masań kúıde boldy, óz áreketiniń sebebin naqty túsindire almady. Patrúldik ekıpaj ony tergeý úshin Bostandyq aýdandyq Polısıa basqarmasyna ákeldi, – dedi Almaty qalalyq PD İshki jáne syrtqy komýnıkasıalar basqarmasynyń qyzmetkeri Talǵat Seıilbaev.

Polısıa departamenti er adamnyń jeke basy anyqtalǵanyn, ol 1977 jyly týǵan, naqty turǵylyqty jeri joq M.esimdi azamat ekenin málim etti.

Ol tártip saqshylaryna mundaı sheshimin ómirindegi qıyndyqtarmen baılanysty ekenin aıtqan.