Qazaqstan Respýblıkasynyń Sybaılas jemqorlyqqa qarsy is-qımyl Agenttiginiń Shymkent qalasy boıynsha departamenti qalalyq ishki saıasat jáne jastar isteri jónindegi basqarmasymen birlese buqaralyq aqparat quraldary ókilderi arasynda qoǵamda sybaılas jemqorlyqqa qarsy mádenıetti qalyptastyrý baǵytyndaǵy úzdik jýrnalısik jumystarǵa baıqaý jarıalaıdy.  

Baıqaýǵa qatysý erejeleri:

Baıqaýǵa 2021 jyldyń 1 qańtarynan bastap 1 qarashaǵa deıin sybaılas jemqorlyqqa qarsy mádenıetti qalyptastyrýǵa, qoǵamda sybaılas jemqorlyqqa tózbeýshilikti kórsetetin qundylyqtar júıesin saqtaýǵa jáne nyǵaıtýǵa baǵyttalǵan materıaldar nemese jarıalanymdar jáne baǵdarlamalar sıklderi (baǵdarlamalar, arnaıy sújetter, derekti fılmder, stýdıalyq jazbalar, maqalalar, suhbattar) qabyldanady.

Baıqaý qatysýshylary:

Konkýrsqa qatysýǵa qaladaǵy buqaralyq aqparat quraldarynyń ókilderi shaqyrylady (onyń ishinde, respýblıkalyq BAQ-dyń oblystaǵy menshikti tilshileri jáne shtattan tys) qatysýǵa shaqyrylady.

Konkýrsqa qatysýshylar tikeleı ózderi nemese BAQ redaksıasynyń usynysy arqyly qatysa alady.

Baıqaý kelesi nomınasıalar boıynsha ótkiziledi:

- Úzdiktele/radıo sújet nemese tele/radıo sújetterdiń sıkli;

- Baspasóz basylymdaryndaǵy úzdik jarıalanym;

- Aqparattyq agenttikterdegi úzdik jarıalanym.

Mazmunyna qoıylatyn talaptar:

- Baıqaýǵa tek ózindik materıaldar, telesújetter usynylady. Konkýrstyq materıaldar avtorlyq quqyq, zıatkerlik menshik týraly zańnama talaptaryna sáıkes bolýy qajet;

- Baıqaýǵa jýrnalısik materıaldar qabyldanady (saraptamalyq jarıalanymdar, materıaldar, ocherkter, reportajdar, sholý jáne telesújetter);

- Baıqaýǵa qazaq, orys tilderindegi materıaldar usynylýy múmkin;

- Baıqaý taqyrybyna sáıkes emes jáne talaptarǵa saı kelmeıtin materıaldar, usyný merzimi aıaqtalǵannan keıin kelip túsken jumystar baıqaýǵa jiberilmeıdi;

- Baıqaýǵa usynylǵan materıaldar qaıtarylyp berilmeıdi;

- Jarıalanymdar túpnusqa nemese materıaldardyń kserokóshirmesi túrinde (basylymnyń ataýy, kúni jáne avtormen baılanys jasaý málimetteri tolyq kórsetile otyryp) usynylýy tıis;

- Dybystyq-vızýaldy jumystar efırlik anyqtamamen birge televızıalyq baǵdarlamanyń kóshirmesi túrinde (CD/DVD dıskilerinde, flash-tasymaldaýshylarynda) usynylýy tıis;

- Aqparattyq agenttikterdiń jýrnalıseri jarıalanǵan materıaldardyń kóshirmesin ınternet-saıtta ornalastyrylǵanyn rastap joldaýy qajet.

Usynylatyn materıaldarǵa mynalar qosa tirkeledi: jýrnalıs týraly qysqasha aqparat, aqparattyq materıaldardyń tizbesi.

Baıqaýǵa materıaldardy usyný tártibi:

Baıqaýǵa materıaldar barlyq nomınasıalar boıynsha túpnusqada nemese elektrondyq nusqada a.j. 3 qarashasyna deıin (baıqaýdyń jumys tobynyń meken-jaıyna: Shymkent qalasy, Qazybek bı kóshesi №3 úı nemese antikor0102@gmail.com  elektrondyq poshtasyna) usynylýy tıis.

Baıqaýdyń qorytyndylaryn shyǵarý:

Konkýrs jeńimpazdary Halyqaralyq sybaılas jemqorlyqqa qarsy kúnine oraı uıymdastyrylatyn forýmda marapattalady. Konkýrs jeńimpazdary alǵys hattarmen (gramotalar) jáne baǵaly syılyqtarmen marapattalady.

Jeńimpazdardy aıqyndaý baıqaý komısıasynyń sheshimimen júzege asyrylady.

Baıqaý komısıasy úmitkerlerdi irikteý barysynda kelesi sharttardy basshylyqqa alady:

materıaldardyń baıqaý talaptaryna sáıkestigi;

materıaldyń obektıvtiligi;

kásibı sheberligi;

jýrnalısıkanyń etıkalyq qaǵıdalaryna sáıkestigi.

Qosymsha aqparatty 8747 741 76 28  telefony arqyly alýǵa bolady.