Shymkent qalasynyń jolaýshylar kóligi jáne avtomobıl joldary basqarmasynyń basshysy E.Joldasov 2021 jyldyń 9 aıynda atqarylǵan júmystar boıynsha esep berdi.

Basqarma basshysynyń aıtýynsha, 2021 jyly qalada jalpy 180 nysan nemese 310,3 shaqyrym joldar men kósheler qurylys-jóndeý jumystarymen qamtylǵan.
Qalada 3 aýdan boıynsha kúrdeli jóndeý jumystary aıaqtaldy. Abaı aýdany boıynsha 17 nysan (9,1 shaqyrym), Eńbekshi aýdany boıynsha 17 nysan (6,0 shaqyrym), Qarataý aýdany boıynsha 20 nysannyń (15,4 shaqyrym) qurylysy tolyq oryndaldy. Qarataý aýdanynda 3 kóshede káriz júıesi júrgizilýine baılanysty qazirgi tańda asfált salý jumystary atqarylýda.

Sondaı-aq, búginde 21,9 shaqyrym magıstraldy kóshelerde, 180,4 shaqyrym 151 ishki oram kóshelerde ortasha jóndeý jumystary júrgizilýde. Atap aıtqanda, Respýblıka dańǵyly, Rysqulov, Iláev, Momyshuly. Táshenov, Aqnazar han, Klara Setkın kóshelerinde ortasha jóndeý jumystary qarqyn alǵan.

Sonymen qatar, 147,6 shaqyrym topyraq jolǵa shaǵal tas tóseldi№

Shymkent qalasynda 147,6 shaqyrym topyraq jolǵa shaǵal tas tóseý jumystary aıaqtaldy. 1 jeltosqanǵa deıin taǵy 90,0 shaqyrymǵa shaǵal tas tóseledi. Jyldyq jospar 237,6 shaqyrym bolyp belgigengen bolatyn.

Atap aıtqanda, Abaı, Ál-Farabı aýdandary boıynsha 144 kóshe (52,7 shaqyrym), Eńbekshi, Qarataý aýdandary boıynsha 133 kóshede (94,9 shaqyrym) topyraq joldarǵa tas tóseý jumystary tolyq oryndaldy.

Taldaý jumystary barysynda taǵy 90 shaqyrym topyraq kóshelerge tas tóseý qajettiligi týyndady. Qazirgi ýaqytta Qarataý, Eńbekshi aýdandaryndaǵy 53 shaqyrym joldy «Bazıs K» JSHS, al Abaı, Ál-Farabı aýdandarynda 37 shaqyrym joldy «Aq Orda» JSHS merdigerligimen shaǵal tas tóseý jumystary júrgizilýde.