Shymkentte «Aqyldy qala» etalondyq standarty negizinde qoǵamdyq oryndarǵa ornatylǵan «Aqyldy kúnbaǵys» aqparattyq kesheniniń sany artty.

Ótken jyly júzege asqan joba bıyl da jalǵasyn taýyp «kúnbaǵys» sany artty. 2020 jyly 20 aqparattyq keshen bolsa, bıyl 30-ǵa jetti. Olar – Ortalyq saıabaǵy – 3, Táýelsizdik saıabaǵy – 6, Metalýrgter saıabaǵy – 3, Qoshqar ata – 2, Jeńis saıabaǵy – 3, Dendro saıabaǵy – 3, Abaı saıabaǵy – 6, «Eski qala» Sıtadel aýmaǵynda – 4.

Bul júıe saıabaqtar men qoǵamdyq oryndarda turǵyndardyń telefondaryn qýattap, jalpyǵa qoljetimdi Wi-Fi paıdalanýyna múmkindik beredi. Qurylǵy kún kózinen qýat alatyn panelder men akýmýlátorlar arqyly jumys jasaıdy.

Sıfrlandyrý basqarmasynyń málimetinshe, osy jyldyń 9 aıynda «Aqyldy kúnbaǵys» kesheniniń qyzmetin 190 myń adam qoldanǵan.

Odan bólek, bıyl qoǵamdyq oryndarda aqparat almasýdy ilgeriletý maqsatynda qalada 10 orynǵa 30 tegin wi-fi núkteleri ornatyldy.

Atap aıtqanda, Báıdibek bı eskertkishiniń alańy – 2, Shymkent qalasy ákimshilik ǵımaratynyń artyndaǵy parktiń alańy – 4, Nursat aleıasynda (Nazarbekova-Báıdibek bı kósheler qıylysy) – 2, Fontan «Túlpan» - 2, Arbatta – 4, Nursat №130 mektep artyndaǵy aleıada – 2, Naýryz alańynda – 4, Shámshi aleıasynda – 2, Dendrosaıabaqta – 6, Qazyna saıabaǵynda – 2.