2021 jyldyń qańtar-qyrkúıek aılarynyń qorytyndysy boıynsha qala ekonomıkasyna 260,7 mlrd teńge ınvestısıa tartylyp, bul kórsetkish ótken jyldyń tıisti kezeńimen salystyrǵanda 38,8 %-ǵa artqan.

Qalalyq kásipkerlik, ındýstrıaldy-ınnovasıalyq damý basqarmasynyń basshysy B.Dúısebekovtyń aıtýynsha, 2021-2025 jyldary jalpy quny 2,6 trln teńge 282 ınvestısıalyq joba iske asyrylyp, 20 myńnan asa jańa jumys orny ashylady.
Onyń ishinde, 2021 jyly jalpy quny 152,6 mlrd teńge, 2,5 myń jańa jumys ornymen 63 ınvestısıalyq jobanyń iske asyrylýy josparlanǵan. Búginde 63 mlrd teńgege 33 joba júzege asyryldy.

Jalpy kásipkerlikti qoldaý kartasy aıasynda bıyl qala aýmaǵynda 40 mlrd teńgege 17 jobany iske qosý kózdelgen. Onyń ishinde, qazirgi tańda 15,3 mlrd teńgege 10 joba iske qosylyp, onda 523 jumys orny ashyldy.
Bul jobalarǵa turaqty monıtorıń jumystary júrgizilip, problemalyq máselelerin sheshý boıynsha memlekettik qoldaýlar kórsetilýde.
Búgingi tańda qalanyń ınvestısıalyq tartymdylyǵyn arttyrý jáne ınvestısıalar tartý boıynsha belsendi jumys júrgizilýde.