Rysqulov jáne Qonaev dańǵyly qıylysyndaǵy jolaıryq 10 qazan kúni Qonaev dańǵyly boıynsha jol qozǵalysy úshin ashylǵan bolatyn. Qazirgi tańda Rysqulov kóshesiniń bir jaq bóligin ashýdaǵy sońǵy jumystar atqarylýda. Qalǵan bóligi men jaıaý júrginshiler joly qarashada aıaqtalmaq. Bul týraly qalalyq jolaýshylar kóligi jáne avtomobıl joldary basqarmasy habarlady.

Jyl ótken saıyn Shymkenttegi qalaishilik joldarda kólik keptelisi artyp keledi. Ásirese, ortalyq kóshelerde belgili bir ýaqytta kólik tyǵynyn jıi baıqaýǵa bolady. Máselen, T.Rysqulov jáne D. Qonaev kósheleri qalanyń bir sheti men ekinshi shetin jalǵaıtyn uzyn kósheler. Saldarynan, munda kólikterdiń keptelisinen týyndaıtyn máseleler az emes. Osy yńǵaısyzdyqtardy sheshý maqsatynda, qala ákimdigi D.Qonaev-T.Rysqulov pen Báıdibek bı-Arǵynbekov kósheleriniń qıylysynda jolaıryq qurylysyn salýdy josparlaǵan bolatyn.

Zerdeleý jumystarynyń nátıjesinde 2019 jyly Rysqulov (Qonaev qıylysy) kósheleriniń kólikterdi ótkizgishtigi 27 775 avto/táýlik bolsa, jol qurylysy aıaqtalǵannan keıin 65 820 avto/táýlik ótkizý múmkinshiligine joǵarylaıdy dep kútilýde.