Shymkent qalasy Ál-Farabı aýdanynyń ákimi Rashıd Myńbaev turǵyndardy jeke ótinishteri boıynsha qabyldady. Kezekti qabyldaý kezinde qalamyzdyń sáýlet jáne qurylys salasyna eńbegi sińgen profesor Aqbolat Ahmedov aýdan ákimine ózi jazǵan kitaptyń 6 danasyn tabys etti.

- Ózimniń ómirlik tájirıbeme súıene otyryp jazǵan «Vspomınaıa projıtýıý jızn» atty kitabymdy sizderge syıǵa tartýdy jón kórdim. Munda halyqpen jumys isteý kezinde qajetti paıdaly keńester men óz basymnan ótkizgen oqıǵalardy túsirdim. Sizderdiń kádelerińizge jaraıdy dep úmittenemin. İzdenýden, el úshin eńbek etýden sharshamańyzdar, - dedi Aqbolat Raıymbekuly.

Sodan soń aýdan azamattary alańdatqan máselelerin qozǵap, túrli saýaldaryn joldady.

Baıtursynov kóshesiniń turǵyny Seıtbekova Qaljan aýlasyna balalar jáne sport alańshasyn salyp berýdi surady. Rashıd Mamytuly aldaǵy ýaqytta onda zerdeleý jumystary júrgizilip, smetalyq qujattary ázirlenetin aıtty.

Al Krasıkova Natalá kásipker kórshisiniń aryqqa zańsyz bóget qoıǵandyǵyn aıtyp shaǵymdandy. Aýdan ákimi óziniń orynbasaryna dúkenniń ıesimen tildesip, zańsyz is-áreketiniń durys emestigin túsindirýdi júktedi.

Jeke qabyldaý barysynda árbir turǵynnyń ýáji muqıat tyńdalyp, atalǵan máseleler boıynsha tıisti bólim basshylaryna ońtaıly sheshimin tabý boıynsha tapsyrma berildi. Sondaı-aq, aýdan ákimi Ál-Farabı aýdanyna qatysty kez-kelgen máseleni zań aıasynda sheshýdiń mańyzdy ekenin jetkizdi.

Aıta keteıik, Ál-Farabı aýdanynyń ákimi Rashıd Myńbaev turǵyndardy jeke máseleleri boıynsha aıyna 2 ret beısenbi kúnderi qabyldaıdy. Azamattar ákimdikke kelip aldyn ala jazylýy tıis.