Memleket basshysynyń Joldaýynda óńirlerdi damytýdyń ulttyq jobasy aıasynda bes jyl ishinde halyqty 100 paıyz taza aýyz sýmen qamtamasyz etýdi tapsyrǵan bolatyn. Bul kórsetkishke qol jetkizý maqsatynda Shymkent qalasynda aýqymdy jumystar atqarylyp kelgen.

Osynyń negizinde, bıyl qaladaǵy eldi mekenderdi aýyz sýmen qamtamasyz etý úshin 14 nysannyń qurylys jumystary júrgizilip jatyr.

Jobaǵa sáıkes, birneshe eldimekenderde qurylys jumystary aıaqtalyp, turǵyndarǵa aýyz sý berý ýaqyty da taıap qaldy. Máselen, Ál-Farabı aýdanyna qarasty Saýle shaǵyn aýdanynynyń jańaqurylys aýmaǵynda ornalasqa 276 oramdy aýyz sýmen qamtý qurylysy aıaqtaldy.

Merdiger mekeme «AGAT» tarapynan qurylys jumystary 2021 jyldyń maýsym aıynda bastalǵan bolatyn. Búginde 100 % ishki oramdyq sý júıeleri tartyldy.

Qazirgi ýaqytta qubyrlardy jýyp-shaıý, dezınfeksıalaý jumystary júrgizilip jatyr.

Atalǵan jumystar qarasha aıynda aıaqtalyp, búgingi kúnge deıin aýyz sýdy keste boıynsha qoldanyp kelgen 276 oram turǵyndary tolyǵymen úzdiksiz sapaly aýyz sý tutynatyn bolady.