Shymkentte sý qoımalary men kanaldarǵa kúrdeli jóndeý jumystaryn júrgizý josparlanýda. Bul týraly qalalyq jaıly ortany damytý basqarmasy málimdedi. Qazirgi tańda qalada 34 kanal bolsa, onyń ishinde aýyl sharýashylyǵy maqsatynda paıdalanylatyn – 27 kanal, qalanyń ishindegi ırrıgasıalyq maqsatta paıdalanylatyn – 7 kanal bar. Sonymen qatar 4 sý qoımasy bar. 2 sý qoımasy (Toǵys, Badam) «QazSýshar» RMK menshiginde, 2 sý qoımasy (Tekesý, Aqjar) basqarmanyń teńgeriminde.

Aǵymdaǵy jyly jalpy uzyndyǵy 35,5 shaqyrymdy quraıtyn 3 kanalǵa (Kók, Saıram sý, Chýmchak) kúrdeli jóndeý jumystary júrgizildi. Nátıjesinde 1 743 gektar sýarmaly jer qaıta aınalymǵa qosyldy. Atalǵan jumystardy jalǵastyrý maqsatynda aldaǵy 4 jylda jalpy uzyndyǵy 95,74 shaqyrymdy quraıtyn 22 kanaldarǵa kúrdeli jóndeý jumystaryn júrgizip, 5 172 gektar sýarmaly jerlerdi qaıta aınalymǵa qosý josparlanýda.

Shymkent Kelbeti