Shymkentte áleýmettik qorǵaý júıesiniń qyzmetkerleri kásibı merekelerin atap ótýde. Áleýmettik sala qyzmetkerleri qaıǵy-muń arqalaǵan azamattardyń qıyndyqtaryn jat sanamaı, olardy birge jeńýge bar kúsh-jigerlerin salatyn mamandyq ıeleri. Áleýmettik qorǵaý júıesin damytýda aıanbaı eńbek etip, muqtaj jandardyń ıgiligi úshin ter tókken sala mamandary qashanda qurmetke laıyq.

Kóp balaly otbasylar, múmkindigi shekteýli jandar jáne ózge de ómirdiń qıynshylyqtaryna tap bolǵan adamdar sala qyzmetkerleriniń meıirimdilik pen qaıyrymdylyq, tózimdilik jáne árdaıym qol ushyn berýge daıyn elgezektik sıaqty adamı qasıetteriniń arqasynda óz múmkindikterine senip, qıyndyqtardy jeńip keledi.

Aıta ketsek, Shymkent qalasy boıynsha qalalyq jumyspen qamtý jáne áleýmettik qorǵaý basqarmasyna qarasty 10 mekemedegi 1200-ge jýyq áleýmettik qyzmetkerler kúndelikti 2176 múgedektigi bar azamattarǵa, muqtaj adamdarǵa, áleýmettik osal toptarǵa, onyń ishinde 438 múgedek balalarǵa arnaýly áleýmettik qyzmet kórsetýde.