Táýelsizdiktiń 30 jyldyǵy qarsańynda «Visit Shymkent» ortalyǵy áleýmettik týrızm baǵyty boıynsha kóp balaly januıadan shyqqan búldirshinderge ekskýrsıa uıymdastyrdy.

Týr «İzgilikte jarysaıyq» qaıyrymdylyq qorymen birlese «Meıirimdi júrek» aksıasy aıasynda qolǵa alyndy. Quramy 20-dan asa oqýshydan jasaqtalǵan top músheleri “Shym qala” tarıhı-mádenı ortalyǵy, Etnoaýyl, Túrkistan oblysynyń tarıhı-ólketaný mýzeıi, Ál-Farabı atyndaǵy qalalyq ǵylymı-ámbebap kitaphanasy jáne Báıdibek bı eskertkishine baryp, týrısik nysandarmen tanysty.

İs-sharanyń maqsaty - oqýshylardyń týǵan ólke tarıhy týraly oı-tanymdaryn arttyryp, Shymkent qalasyndaǵy týrısik nysandar jáne kórikti oryndarmen tanystyrý. Al, arnaıy ekskýrsıa aıaqtalǵan soń, búldirshinderge «Ladýshkı» kafeterıasy tarapynan tegin túski as jáne syılyqtar usynyldy. Jasóspirimderdi qala tarıhymen tanystyrýdy kózdegen arnaıy ekskýrsıalyq sharalar aldaǵy ýaqyt da jalǵasatyn bolady.