Jelide belgisiz áıel júk tıegish-ekskavatordyń kovyshyna minip alǵan vıdeo tarap jatyr. Vıdeo taldykorganec.insta paraqshasynda jarıalandy. Oqıǵa Almaty oblysy Saryózek aýylynda bolǵan.

Vıdeoda áıel qaýipsizdik sharalaryn elemeı, jumys istep jatqan júk tıegishtiń shómishine shyǵyp alǵany kórinedi. Traktordy Saryózektiń 47 jastaǵy turǵyny júrgizgen, polısıa qyzmetkerleri ony ákimshilik jaýapkershilikke tartty.

"Saryózekte bir tonna kómir alý úshin jurt ólýge de daıyn" delingen paraqshadaǵy jazbada.

Oqıǵaǵa baılanysty polısıa departamenti túsinikteme berdi.

"47 jastaǵy júk tıegish júrgizýshisi jol qozǵalysy erejelerinde qarastyrylǵan jolaýshylar men júk tasymaldaý talaptaryn saqtamaý baby boıynsha ákimshilik jaýapkershilikke jaýapqa tartyldy. Kómir bazasynyń ıesimen jáne jumysshylarymen profılaktıkalyq áńgime júrgizildi" delingen polısıa departamentiniń habarlamasynda.