Atyraýda 10 jasar bala tońazytqyshtyń artyna jasyrynyp, toq soǵyp qaıtys boldy. Bul týraly atpress.kz saıty habarlady.
Qaıǵyly oqıǵa 30 qazan kúni 14:45 shamasynda bolǵan. 2011 jylǵy bala úıde tyǵylmaq oınap júrip, tońazytqyshtyń artyna jasyrynǵan. Sol kezde ony toq soqqan. Bul týraly polısıaǵa balanyń ájesi habarlasyp aıtqan.
"Jedel járdem púltine qońyraý saǵat 14.45-te túsip, brıgada oqıǵa ornyna 14.51-de jetti. Bala jedel járdem kelgenshe qaıtys bolyp ketti. Onyń denesinen jaraqattar anyqtalmady. Máıit saraptamaǵa jiberildi. Atalǵan derek boıynsha tekserý júrip jatyr" delingen polısıa departamenti habarlamasynda.
Pikir qaldyrý