Atyraý oblysynda tasjolda atys boldy, bir adam qaza tapty, dep habarlady "Aq Jaıyq" saıty. 

30 qazanda saǵat shamamen 19:30-da Atyraý-Aqtóbe tasjolynyń 331-shaqyrymynda Qyzylqoǵa aýdany Saǵyz aýylynyń mańynda aýyldastar arasynda atys bolǵan.

Saldarynan alty adam jaraqat alǵan. Onyń ishindegi 35 jastaǵy er adam sol jerde kóz jumdy, 29 jastaǵy jigit jaraqatpen aýdandyq aýrýhanaǵa jatqyzylǵan.

"Zardap shekkender Saǵyz aýyldyq dárigerlik ambýlatorıasyna jetkizildi. Oqıǵa ornynda jedel-tergeý toby jumys istep jatyr. Eki kúdikti anyqtaldy, biri ustalyp, qamaýǵa alyndy. Qylmystyq kodekstiń 24-99-baby (Qylmysqa daıyndalý jáne qylmysqa oqtalý/Adam óltirý)
boıynsha sotaldy tergeý bastaldy" delingen Atyraý oblysy polısıa departamentiniń baspasóz qyzmetinde.