"Astana" klýby Chempıondar lıgasynyń toptyq kezeńindegi machta túriktiń "Galatasaraı" komandasymen 2:2 esebimen teń oınady. Bul týraly «Qamshy» portaly «Tengrınúzke» silteme jasaı otyryp habarlaıdy.
Esepti qonaqtar komandasy ashty. Birinshi taımnyń 31 mınýtynda Bilál Kysa gol soqty. Al ekinshi taımnyń 77 mınýtynda túrik komandasynyń oıynshysy Hakan Balta óz qaqpasyna gol soǵyp aldy. Alaıda 86 mınýtta "Galatasaraı" taǵy bir gol soqty. Al osydan keıin Rodjer Kanás aıyp alańynyń syrtynan baspen soqqy jasap, esepti teńestire bildi. Osylaısha esep 2-2.
Kezdesý elordadaǵy "Astana Arena" stadıonynda ótti. Oıyndy tikeleı efırde "TAŃ" telearnasy kórsetti.
Eske sala keteıik, birinshi týrda eki komanda da qarsylastarynan 0:2 esebimen jeńilgen bolatyn. "Astana" Portýgalıanyń "Benfıka" komandasynan jeńilse, "Galatasaraı" Ispanıanyń "Atletıko" klýbyna ese jibergen edi.
