Qazaqstandyq ánshi Dıana Sharapova «Araldan ushqan aqqýlar» lırıkalyq kompozısıasyna  beınebaıan túsirdi. Shyǵarmany QR mádenıet qaıratkeri S.Báıterekov jazǵan. Bul týraly «Qamshy» portaly QazAqparatqa silteme jasaı otyryp habarlaıdy.

Beınebaıannyń sújeti boıynsha ánshi qurǵaǵan Aral túbin zertteıdi,-dedi Mironov Entertainment agenttigi.

Ánshiniń aıtýynsha, Aral mańy aýdandarynda bolǵan kúnderi túsirý tobyna aýyr túsken. Óıtkeni olar ekologıalyq tragedıanyń aýqymyn óz kózderimen kórdi.

Beınebaıannyń prodúseri Roman Mıronov aıtqandaı, negatıvti ǵana kórsetpeı, klıp «úmitpen» aıaqtalady.  «Óıtkeni Qazaqstan BUU men Dúnıejúzilik banktiń kómegimen Aral teńizin saqtap qalý jáne aımaq turǵyndarynyń ómirin jaqsartý úshin qomaqty qarjy jumsap jatyr. 2005 jyly Kókaral bógeti salyndy. Bul elimiz ben halyqaralyq uıymdardyń birlesken jetistigi dep sanaımyn», - dedi prodúser.

Eske sala keteıik, Aral teńizi máselesin ánshi Dıana Sharapova ǵana emes, sonymen qatar álemdik juldyzdar da qozǵady.  Pink Floyd ótken jyly Louder thanWords kompozısıasyna qurǵaǵan Aral týraly mýzykalyq vıdeony tanystyrdy.  Sonymen qatar gollıvýd aktery Leonardo Dı Kaprıo óziniń Twitter-degi paraqshasynda Aral teńizi tragedıasy týraly pikirin aıtyp, shól ortasyndaǵy keme qaldyǵy kórsetilgen fotony jarıalady.