Qazaqstan TMD memleketteri ishinde básekege qabilettilik reıtıńisi boıynsha Reseıdi basyp ozdy. Búkilálemdik ekonomıkalyq forým ázirlegen reıtıńinde Qazaqstan jańandyq básekege qabilettilik jóninen 42-orynǵa shyqqan. Bul týraly «Qamshy» portaly Today.kz-ke silteme jasaı otyryp habarlaıdy.
Atalmysh reıtıńti jeti jyl qatarynan birinshi orynda kele jatqan Shveısarıa bastap, ekinshi oryndy Sıngapýr ıemdengen. Al alǵashqy úshtikti AQSH túıindese, Germanıa bul tizimde tórtinshi orynǵa turaqtaǵan. Nıderlanddy bıyl bul tizimde segizinshi orynnan besinshige kóterilgen.
Úzdik ondyqta Japonıa, Gonkong, Fınlándıa, Shvesıa men Ulybrıtanıa bar.
Qytaı búkilálemdik básekege qabilettilik jóninen 28-orynda.
Al Qazaqstan bul tizimde 42-orynǵa taban tirese, Reseı 45-ti qanaǵat tutqan.
Sondaı-aq, TMD elderi arasynda eń úzdik kórsetkishke Ázirbaıjan ıemdenip, 40-orynda tur.
Aıta keteıik, BEF elderdiń básekege qabilettiliginiń reıtingin 11 kórsetkish boıynsha esepteıdi, onyń ishine, ınfraqurylym, taýar men eńbek naryǵyn nátıjeliligi, bilim men densaýlyq saqtaý sapasy, eldegi makroekonomıkalyq ahýal, ınovasıalar, qarjylyq naryqty damytý men taǵy birqatar kórsetkishter kiredi.
Nurzat Toǵjan
