Shymkentte Qutqarýshylar kúnine oraı órt sóndirýshiler arasynda kópsaıystyq kúshsynasý, ıaǵnı krosfıtten saıys uıymdastyryldy.

Krosfıt - bul kúsh pen tózimdilikke arnalǵan jattyǵýlar baǵdarlamasy. Al órt sóndirýshiler men qutqarýshylar mundaı jattyǵýlardy kúndelikti jasaıdy. Óıtkeni olardyń qyzmeti shydamdylyqty, qaısarlyqty talap etetin is-qımyldardan turady.

Qutqarýshylardyń daıyndyǵyn tekserýge baǵyttalǵan saıysqa ár órt sóndirý bóliminen 2 órt sóndirýshiden qatysty. Gir tasyn jáne zil temirdi kóterý, dońǵalaqtardy kóterý, jyljytý, tútikqubyrlarmen jaýyngerlik qanat joıý, oqý-jattyǵý munarasynyń 3-qabatyna jyljymaly úsh ıindi satymen kóterilý, 3-qabattan qutqarý arqanymen ózin-ózi qutqarý, jaıylǵan tútikqubyrdy segizdik ádisimen jınaý boıynsha kúsh synasty.

Kúndelikti tótenshe jaǵdaılardy joıý kezinde salmaǵy aýyr jaýyngerlik kıimnen bólek túrli quraldardy birge ala júrip, demalýǵa múmkin bolmaǵan ortada qysymdalǵan aýany tıimdi paıdalana otyryp, adam ómirin qutqarýdy, órtti sóndirýdi júzege asyratyn mamandyq ıeleri úshin mundaı daıyndyq kúntizbeden túsken emes.