Varshavada Qazaqstan-Polsha bıznes-forýmy ótýde. Atalǵan jıynda shymkenttik delegattardy bastap barǵan qala ákiminiń orynbasary Aıbek Sáttibaev kópshilikke baıandamasyn usyndy. Shymkenttiń joǵary áleýetin tanystyra kele polshalyq kásipkerlerdi qalaǵa ınvestısıalyq jobalardy júzege asyrýǵa shaqyrdy.

Forýmdy Qazaqstan Elshiligi men Kazakh Invest ulttyq kompanıasy Polshanyń Kásipkerlik jáne tehnologıalar mınıstrliginiń, sondaı-aq Polshanyń Investısıalar jáne saýda agenttiginiń qoldaýymen Polshanyń bıznes Keńesimen birlesip uıymdastyrdy. Oǵan aýyl sharýashylyǵy, energetıka, qurylys jáne qurylys materıaldaryn óndirý, tamaq, hımıa, taý-ken metalýrgıa jáne farmasevtıka ónerkásibi salalarynyń ókilderi bolyp tabylatyn qazaqstandyq jáne polák kompanıalary qatysýda.

Forýmnyń maqsaty Qazaqstan men Polsha arasyndaǵy saýda-ekonomıkalyq, ınvestısıalyq yntymaqtastyqty kúsheıtý, eki eldiń iskerlik seriktesteri arasyndaǵy qoldanystaǵy baılanystardy nyǵaıtý jáne jańalaryn jolǵa qoıý, ınvestısıalyq jobalardy tanystyrý bolyp tabylady.