Osy jyldyń 1-30 qazan aralyǵynda dástúrli halyq sanaǵy ótedi. Búginge deıin Shymkentte 241 750 adam, ıaǵnı halyqtyń 22,0% ınternet jelisi arqyly sanaqqa qatysqan. Sonymen birge, Ulttyq halyq sanaǵyn ótkizýge myńnan astam ınterver úı-úıdi aralaýǵa kirisken.
Ákim orynbasary sanaqtyń aıaqtalýyna 25 kún qalǵanyn, qalada sanaqqa qatysýǵa belsendilik tómendigin aıtyp ótti. Jumys qarqynyn qatań synǵa alǵan E.Bilisbekov aýdan ákimderi men tıisti basqarma basshylaryna Ulttyq statısıka búrosy departamentiniń mamandarymen ózara birlesken jumystardy kúsheıtýdi tapsyrdy.
Ulttyq statısıka búrosynyń Shymkent qalasy boıynsha departament basshysy Syrym Mádıev kóp jaǵdaıda turǵyndardyń esik ashpaı, dórekilik tanytyp, saýalnamadan bas tartý sekildi kedergiler oryn alyp jatqanyn aıtty.
Halyqtyń baryn baǵamdap, tutas memlekettiń aldaǵy damý baǵytyn aıqyndaıtyn mańyzdy naýqanda turǵyndardyń belsendiligi qajet. Ákim orynbasary aýdan ákimderine sanaqty júrgizý úshin kóshe nemese turǵyn úı basqarýshylarymen birge júzege asyrýdy jáne personaldardyń qaýipsizdigin nazardan tys qaldyrmaý qajet ekenin tapsyrdy.
