Shymkent qalasynyń turǵyny Shynar Sarybaeva –«Eńbek» memlekettik baǵdarlamasynyń qatysýshysy. Ol kóp balaly ana retinde AÁK alýshylar qataryna kiredi.
Memleket usynǵan múmkindikti tıimdi paıdalaný maqsatynda bıylǵy jyldyń naýryz aıynda 200 AEK kóleminde qaıtarymsyz memlekettik grantqa «tigin isi» boıynsha ótinish bergen. Nátıjesinde komısıa jobasyn maquldap, búginde kólikke arnalǵan oryndyq qaptaryn tigip satýda.
- Qolymyzdan kelgen múmkindikti paıdalanyp, memleketten de qoldaý tapqanyma qýanyshtymyn. Otbasymnyń áleýmettik jaǵdaıyn jaqsartý maqsatynda jeke kásibimizben aınalysyp kelemiz. Eń bastysy tapsyrys jasaýshylardyń kóńilinen shyǵady – deıdi 26 jastaǵy qala turǵyny.
Aıta ketsek, byltyr 4828 adam memlekettik grant aldy. Onyń ishinde 407-si kóp balaly otbasy múshelerine, 2122-si az qamtamasyz etilgen otbasylarǵa, 29- múmkindigi shekteýli azamattarǵa ,1075- jastarǵa jáne 1195- ózge sanattaǵylarǵa berildi. Al, bıyl 600 azamat grantqa qol jetkizip, óz armandaryn júzege asyrýda.
