Búgin Ál-Farabı aýdany ákimi Rashıd Myńbaev belsendi jastarmen kezdesti.

Jastar ortalyǵynda ótken basqosýda Nur-Sultan qalasy otbasy demografıasy jáne áıelder isi jónindegi komısıa múshesi, kásibı psıholog Lımana Qoıshıeva, qaladaǵy jumyspen qamtý ortalyǵy dırektorynyń orynbasary Bekzat Tolybaev, dańqty sportshy Nurbolat Qýandyqov jáne aýdannyń ózge belsendi jastar qatysty.

Aýdan ákimi memleketimizde jastarǵa arnalǵan baǵdarlamalar men tyń jobalar jaıly sóz qozǵady.

–Elimizdiń bolashaǵy ózderińizsizder. Qazaqstannyń bolashaqqa barar joly sizderdiń damý deńgeılerińizge, umtylystaryńyzǵa jáne qoǵamdyq ómirge aralasý dárejesine tikeleı baılanysty. Ál-Farabı aýdanynda halyq sany shamamen 207 myń adamdy qurasa, onyń 43 459-y jastar (19,7%). Búginde aýdanymyzda jastarmen birlese «Taza qala», «BIZBIRGEMIZ: TAZAALEM» aksıalaryn ótkizdik. Alda talaı jobalardy birge qolǵa alamyz. Jaqsy ıdeıalaryńyz, tyń jobalaryńyz bolsa meniń esigim sizder úshin árdaıym ashyq. Kez-kelgen ýaqytta kezdesip, jańa bastamalardy qoldaýǵa daıynmyn,-dedi Rashıd Mamytuly.

Jıyn barysynda jasóspirimder arasynda erte júktilik pen sýısıt, jumyspen qamtý jáne jastardyń sport deńgeıin damytý jaıynda talqylandy. Jastar ózderi qyzyqtyrǵan suraqtaryn qoıyp, tushshymdy jaýap aldy.