Qazaqstan Respýblıkasynyń Sybaılas jemqorlyqqa qarsy is-qımyl Agenttiginiń Shymkent qalasy boıynsha departamenti qalalyq bilim basqarmasymen birlese sybaılas jemqorlyqqa qarsy is-qımyl mádenıetin qalyptastyrý maqsatynda «Adal urpaq» erikti mektep klýbtarynyń sletin uıymdastyrdy.

Atalǵan sharaǵa «Shymkent-adaldyq alańy» jobalyq keńsesiniń basshysy J.Qambar, qalalyq bilim basqarmasy ókilderi, «Adal urpaq» erikti mektep klýbynyń Prezıdenti T.Baıtas pen klýbtardyń músheleri, jas ónerpazdar qatysty.

Saltanatty sharany Jobalyq keńse basshysy Janı Qambar ashyp, bilim salasynda sybaılas jemqorlyqtyń aldyn alý boıynsha atqarylǵan sharalarǵa toqtaldy.
Odan bólek, Oqýshylar saraıynyń bólim meńgerýshisi Gúljan Týlemetovanyń, «Adal urpaq» erikti mektep klýbynyń Prezıdenti Tólebı Baıtastyń atqarǵan jumystar boıynsha baıandamalary tyńdaldy. Shara barysynda ««Adal urpaq» asosıasıasynyń týy sahnaǵa shyǵarylyp, «Adal urpaq» áni oryndalyp, jas ónerpazdardyń óneri tamashalandy.

Sonymen qatar, oqýshylar arasynda sybaılas jemqorlyqqa qarsy taqyrypta logıkalyq jáne sıtýasıalyq oıyndar oınatyldy.

Aıta keteıik, qaladaǵy 186 mektepterde «Adal urpaq» erikti mektep klýbtarynyń jumysy uıymdastyrylyp, jastardyń boıynda ónegelilik, ádeptilik, bastamashyldyq, patrıottylyq syndy qasıetter men sybaılas jemqorlyqqa qarsy mádenıetti qalyptastyrý baǵytyndaǵy keshendi sharalar qolǵa alynǵan. Qazirgi tańda klýb quramynda 128 myńnan astam músheleri bar.