Rysqulov jáne Qonaev dańǵyly qıylysyndaǵy jolaıryqtyń Qonaev dańǵyly boıynsha júris bóligi paıdalanýǵa berildi. Qazirgi ýaqytta Rysqulov kóshesin ashýdaǵy sońǵy jumystar atqarylýda. Bul týraly qalalyq jolaýshylar kóligi jáne avtomobıl joldary basqarmasy habarlady.

Jyl ótken saıyn Shymkenttegi qalaishilik joldarda kólik keptelisi kóbeıip keledi. Ásirese, ortalyq kóshelerde ıin tiresken avtokólikter tyǵynyn jıi kórýge bolady.

Atap aıtqanda, T. Rysqulov jáne D. Qonaev kósheleri qalanyń bir sheti men ekinshi shetin jalǵaıtyn uzyn kósheler. Sodan bolar, munda kólikterdiń keptelisinen týyndaıtyn máseleler az emes.

Osy yńǵaısyzdyqty sheshý maqsatynda, qala ákimdigi D.Qonaev-T.Rysqulov pen Báıdibek bı-Arǵynbekov kósheleriniń qıylysynda jolaıryq qurylysyn salýdy josparlaǵan bolatyn.

2019 jyly Rysqulov (Qonaev qıylysy) kósheleriniń kólikterdi ótkizgishtigi 27775 avto/táýlik bolsa, jol qurylysy aıaqtalǵannan keıin 65820 avto/táýlik ótkizý múmkinshiligine joǵarylaıdy.

Atalǵan jolaıryqtar paıdalýnýǵa berilgennen keıin kólik tyǵyny edáýir azaıatyn bolady.