Densaýlyq saqtaý mınıstrligi 1 qarasha kúngi epıdemıologıalyq ahýal týraly aqparatty taratty.

Mınıstrlik málimetinshe, ótken táýlikte PTR test arqyly 1181 adamnan koronavırýs, 7 adamnan pnevmonıa anyqtalǵan. 19 adam koronavırýstan, 6 adam pnevmonıaıadan kóz jumǵan.

2 qarashadaǵy málimet boıynsha, 45 777 adam koronavırýs pen pnevmonıadan emdelip jatyr. Olardyń ishinde 8 268 pasıent stasıonarda, 37 509 naýqas ambýlatorıalyq deńgeıde em qabyldaýda.

İndetke shaldyqqandar arasynda 540 adamnyń jaǵdaıy aýyr, 171 pasıenttiń jaǵdaıy óte aýyr, 110 naýqas ÓJJ apparatynda jatyr.

2 qarashadaǵy málimet boıynsha elde 8 320 106 adam vaksınanyń I komponentin, 7 527 397 adam II komponentin saldyrǵan.

Elde koronavırýstyń taralýy báseńdep keledi. Búginde 4 óńir "qyzyl" aımaqta. Olardyń qatarynda Qostanaı, Pavlodar, Aqmola, Soltústik Qazaqstan oblystary bar. Nur-Sultan, Almaty qalalary, Qaraǵandy, Qyzylorda, Shyǵys Qazaqstan oblystary "sary" aımaqta. Shymkent qalasy, Aqtóbe, Atyraý, Almaty, Batys Qazaqstan, Túrkistan, Jambyl, Mańǵystaý oblystary "Jasyl" aımaqta.