Nur-Sultanda 4 qarashadan bastap jumys isteıtin jastarǵa satyp alý quqyǵynsyz jalǵa beriletin páterge ótinim qabyldaý bastalady.  

Qujattardy 4 qarasha men 11 qarasha aralyǵynda 9:00-den bastap 23:59-ǵa deıin tapsyrýǵa bolady.

Tıisti qujattardyń tolyq tizimin myna siltemede kórsetilgen.

Arendalyq baspana tek 5 jylǵa beriledi. Páterdiń aı saıynǵy jaldaý aqysy 5 000 - 15 000 teńge aralyǵynda.

Qujat elektrondy túrde tek qatysu.zhilfond.kz portaly arqyly qabyldanady.

Baǵdarlamaǵa kimder qatysa alady:

• 29 jasqa deıingi Qazaqstan azamaty; 

• Orta/arnaıy orta/joǵary/joǵary oqý ornynan keıingi bilimi jáne resmı jumysy bar;

• Nur-Sultan qalasynda keminde sońǵy eki jyl turaqty tirkeýi bar;

• Ótinish berýshi men otbasynyń qalǵan músheleriniń menshiginde sońǵy 2 jyl ishinde satyp alý quqyǵymen jalǵa beriletin páter bolmaýy kerek;

Tólem qabilettiligi rastalýy mindetti (aı saıynǵy tabys keminde 116 680 teńge bolýy qajet).

Ótinim berýshi eń aldymen, ESQ kiltin alýy qajet, al tizimdegi anyqtamalar ótinish bergen sátte 10 kúnnen keshiktirilmeı alynýǵa tıis.

Baspana baldardy esepteý baldyq júıe boıynsha júzege asyrylady. 

Otbasyly bolsa, 5 bal, nekeniń ár jyly úshin – 2 bal;

Bala bolsa, 1 bal, kelesi árbir bala úshin – 2 bal;

Búdjettik uıymdardaǵy (memlekettik mekemeler men memlekettik kásiporyndarda) eńbek qyzmeti úshin – 5 bal, eńbek ótiliniń ár jyly úshin – 1 bal;

Naryq suranysyna ıe 100 mamandyqtyń birin ıgergen ótinish berýshige – 10 bal;

Neminde 1 jyl jeke kásipkerlik qyzmetti júzege asyrsa – 5 bal, árbir jyl úshin – 1 bal;

Ótinish berýshiniń ártúrli qyzmet salasynda jeke jetistikteri bolsa (kásibı saladaǵy jetistikteri eskeriledi) – 2 bal;

Bankterdegi jınaǵynyń árbir jyly úshin – 2 bal.

Jalǵa beriletin turǵyn úıdi berý týraly sheshim qabyldaǵannan keıin 15 kúntizbelik kún ishinde ótinish berýshi men ýákiletti organ arasynda turǵyn úıdi jaldaý sharty jasalady.