AQSH prezıdenti Djo Baıden Ulybrıtanıanyń Glazgo qalasynda ótip jatqan klımat samıti kezinde álem elderinen keshirim surady.

Ol Tramp ákimshiliginiń Parıj klımattyq kelisiminen shyǵý týraly sheshimi úshin basqa álem kóshbasshylarynan keshirim surap, AQSH-tyń kelisimnen shyǵýy eldi klımattyq maqsattardan keıin qaldyrǵanyn aıtty.

– Men keshirim suramaýym kerek dep oılaımyn, biraq Amerıka Qurama Shtattarynyń sońǵy ákimshiligi Parıj kelisiminen shyǵyp ketkeni úshin keshirim suraımyn. Bul – bizdi biraz artqa qaldyrdy, – dedi Baıden Glazgodaǵy samıtte.

AQSH prezıdenti qańtarda ant bergennen keıin Vashıngtonnyń Parıj kelisimderine qaıta qosylatynyn málimdegen.

Samıttegi sóılegen sózinde Baıden jahandyq kóshbasshylardy klımattyń ózgerýine qarsy aýqymdy sharalar qabyldaýǵa shaqyrdy jáne osy jaǵynan AQSH álemge úlgi bolatynyna senetinin jetkizdi.

Buǵan deıin Ulybrıtanıada ǵalamdyq klımat samıti ótip jatqany habarlanǵan.