Reseı qarýly kúshteriniń Sırıaǵa  áýeden jasaǵan shabýyldarynyń nátıjesinde 1 táýlikte  «Islam memleketi» sodyrlarynyń 12 nysany joıylǵany týraly álemdik BAQ jazýda.  Osydan keıin Sırıadaǵy janjalǵa «an-Nýsra» radıkaldy uıymy aralasyp, reseılik bir soldattyń basyna 1 mıllıon lır syıaqy usynǵanyn málimdegen. Bul shamamen 10 AQSH dollary. Reseılik jýrnalıs Ilá Varlamov Twitter áleýmettik jelisindegi ıslamısterdiń jazbasyn kórsetken.

Bul týraly «Qamshy» portaly haqqin.az saıtyna silteme jasaı otyryp habarlaıdy.

«Jergilikti radıkaldy uıym. Biraq, «Islam memleketi» emes, «an-Nýsra» dep atalatyn uıym árbir ustalǵan reseılik jaýyngerdiń basyna 10 myń dollar tikken»,-deıdi reseılik jýrnalıs.

Aıta keteıik, 30-qyrkúıek kúni RF prezıdenti V.Pýtın Sırıa aýmaǵyna ásker kirgizý týraly qujattardy  joǵarǵy parlamenttiń talqysyna jibergen bolatyn. Dál sol kúni-aq, parlament qujatty maquldaǵan. Federasıa keńesinde prezıdenttiń bastamasyn 162 depýtat qoldap, RF Qarýly kúshteri Sırıa terıtorıasyna ásker kirgizgen.

RF prezıdenti ákimshiliginiń basshysy Sergeı Ivanovtyń aıtýynsha, Sırıa prezıdenti Bashar Asad arnaıy Vladımır Pýtınnen kómek suraǵan.