Shymkent ákimi Murat Áıtenov jumys saparyn Naýryz shaǵynaýdanynda júrgizilip jatqan káriz júıesiniń jumysymen tanysty. Ál-Farabı aýdanyndaǵy 64 525 abonenttiń 86 paıyzy káriz júıesimen qamtylsa, 8309 (14%) abonent qamtylmaǵan.

Naýryz shaǵynaýdany turǵyndaryn káriz júıesimen qamtý úshin qurylys jumystary mamyr aıynda bastalǵan. Búginde Taıman, Erkindik, Súleımenov jáne Meıirbekov kósheleri káriz júıesine qosyldy. Káriz júıesine arnalǵan qubyr Qazıev kóshesindegi kolektorǵa qosylady. Odan bólek, Samal shaǵynaýdanyn káriz júıesimen qamtý maqsatynda qurylys jumystary júrgizilýde.

Atalǵan shaǵynaýdandardaǵy jumystar keler jylǵa ótpeli, jumystar tolyq aıaqtalǵannan keıin káriz júıesimen qamtylǵan abonentter sany 58 072-ge jetetin (90%) bolady. Qazirgi tańda negizgi jumystar aıaqtalyp, joldy qalpyna keltirý jumystary júrgizilýde. Jumys barysymen tanysqan qala ákimi kóshelerdi tolyq jáne sapaly túrde qalpyna keltirýdi, merziminde aıaqtaýdy tapsyrdy.