Densaýlyq saqtaý mınıstrligi ótken táýliktegi epıdemıologıalyq ahýal týraly aqparatty jarıalady.
Mınıstrlik málimetinshe, keshe PTR test arqyly 1312 adamnan koronavırýs, 180 adamnan pnevmonıa anyqtalǵan. 17 adam koronavırýstan, 7 adam pnevmonıadan kóz jumǵan.
Qazaqstanda koronavırýsqa tapsyrǵan testi oń shyqqan jaǵdaılardyń jalpy sany 943 105 adamǵa jetti. Onyń ishinde 12 152 adam koronavırýstan kóz jumǵan. 2020 jylǵy 1 tamyzdan beri júrgizilip kele jatqan pnevmonıa statısıkasy boıynsha 79839 inde juqtyrǵan. 5049 adam qaıtys bolǵan.
3 qarashadaǵy málimet boıynsha 44 412 adam koronavırýs pen pnevmonıadan emdelip jatyr. Olardyń ishinde 7 982 pasıent stasıonarda, 36 430 naýqas ambýlatorıalyq deńgeıde em qabyldaýda.
İndetke shaldyqqandar arasynda 528 adamnyń jaǵdaıy aýyr, 164 pasıenttiń jaǵdaıy óte aýyr, 109 naýqas ÓJJ apparatynda jatyr.
3 qarashadaǵy jaǵdaı boıynsha Qostanaı, Pavlodar, Aqmola, Soltústik Qazaqstan oblystary "Qyzyl" aımaqta. Nur-Sultan, Almaty qalalary, Qaraǵandy, Shyǵys Qazaqstan oblystary "Sary" aımaqta. "Jasyl aımaqta – Shymkent qalasy, Aqtóbe, Atyraý, Almaty, Batys Qazaqstan, Túrkistan, Jambyl, Qyzylorda, Mańǵystaý oblystary.
Sońǵy málimetke saı, elde 8 338 340 adam koronavırýsqa qarsy vaksınanyń I komponentin, 7 559 996 adam İI komponentin saldyrǵan.
Pikir qaldyrý