Almaty qalasy tótenshe jaǵdaı departamenti Qazgıdromettiń daýyldy eskertýiniń negizinde 4 qarasha kúni Almaty qalasynda qar, keı jerlerde kóktaıǵaq bolýy múmkin ekenin habarlady.

"Aýa temperatýrasy túnde 6-8 gradýs aıaz, kúndiz 3-5 gradýsqa deıin aıtarlyqtaı tómendeýi týraly habarlaıdy. Osyǵan oraı avtokólik ıelerine Almaty TJD kólikterdi aǵashtardyń astyna, elektr jelileriniń jáne basqa da ilinip turǵan qurylymdardyń astyna qoımaýǵa keńes beredi. Avtokóligińizdi arnaıy avtoturaqtyń qaýipsiz oryndarynda qaldyryńyz" delingen aqparattyq habarlamada.

Qazgıdromet málimetinshe, Qazaqstannyń ońtústik óńirlerinen basqa aımaqtardyń bárinde kún ashyq bolady. 4 qarashada ońtústik, ońtústik-shyǵys óńirlerde atmosferalyq fronttardyń ótýine baılanysty qar, taýly aýdandarda qatty qar jaýady, jel kúsheıedi, kóktaıǵaq, burqasyn bolady.

Soltústik-batys sýyq antısıklon áserinen jaýyn-shashyn toqtaıldy, alaıda kún sýytady. Respýblıkanyń basym bóliginde tuman kútiledi. Aýa temperatýrasy batysta túnde 1-6 gradýs sýyq, kúndiz 0-5 gradýs jyly, ońtústikte 3-8 gradýs sýyq, kúndiz 10 gradýs jyly bolady. Soltústik-batysta, soltústikte aýa temperatýrasy 10 gradýsqa deıin tómendeıdi, ortalyqta jáne el shyǵysynda túnde 21 gradýsqa deıin aıaz bolý múmkin. Ońtústik-shyǵysta synap baǵany 13 gradýsqa deıin tómendeýi múmkin.