Eńbekshi aýdanynda 630 kópqabatty turǵyn úı 435 aýlaǵa biriktirilgen. Aýdanda 2011-2020 jyldar aralyǵynda kezeń-kezeńmen 565 úıdiń 373 aýlasy abattandyrylǵan.

Bıyl «Halyq qatysatyn búdjet» jobasynyń aıasynda 41 kópqabatty úıdiń aýlalaryn jańartýǵa búdjetten qarajat bólinip, qazirgi tańda 24 kópqabatty úıdiń aýlalarynda abattandyrý jumystary aıaqtalyp, turǵyndardyń ıgiligine berildi. Al, 17-kópqabatty úıdiń aýlalaryn abattandyrý jumystary jalǵasýda.

Bul joba arqyly paıdalanýǵa berilgen aýlalardyń biri - Sh.Ýalıhanov kóshesi №225 úıdiń oıyn alańshasy. Shymkent ákimi Murat Áıtenov atalǵan aýmaqqa baryp, aıaqtalǵan qurylys jumysyn tekserdi.

«Bul joba tıimdiligin kórsetti. Aýlalar jańaryp, qolaıly orta qalyptasa bastady. Aǵashtar men gúlder otyrǵyzyp, kútim jasaý mańyzdy. Aýlalar - úıimizdiń bir bóligi. Endi ýaqytty tıimdi qoldaný úshin aýla klýbtaryn ashýdy usynamyn. Aýlalar arasynda sporttyq jarystar, túrli oıyndar ótkizýge bolady. Osy maqsatta sport alańshalary kóptep ashylýda» - dedi megapolıs ákimi. Aýdanda aldaǵy jyly da abattandyrý jumystary «Halyq qatysatyn búdjet» jobasynyń aıasynda jalǵasady. Qazirgi tańda turǵyndar tarapynan 93 usynys túsip, turǵyndar arasynda 66 usynys qajetti daýystar jınady.

Jalpy, Shymkent qalasynda osy ispettes 6 arnaýly áleýmettik ortalyq qyzmet kórsetedi. Kelesi jyldyń basynda Túrkistan oblysyna qarasty qarttarǵa arnalǵan nómiri 2 arnaýly áleýmettik qyzmet kórsetý ortalyǵy da Shymkent qalalyq jumyspen qamtý jáne áleýmettik qorǵaý basqarmasynyń quzyretine ótkizilmek. Erǵalı Bilisbekov atalǵan shańyraqty pana qylǵan qarıalardyń jaı-kúıimen tanysyp, daıyndyq jumystaryn pysyqtady. Sala mamandaryna keıýanalardyń jaılylyǵy úshin kerekti dúnıelermen qamtamasyz etýdi tapsyrdy.

Eskertýsiz tekserý sharasy aldaǵy ýaqytta basqa da ortalyqtarda jalǵasyn tappaq