Shymkent ákimi M.Áıtenov Eńbekshi aýdanynyń qys mezgiline daıyndyq jumystaryn pysyqtady.

Qysta Eńbekshi aýdany aýmaǵyn qardan tazalaý jumystaryn tórt merdiger («LTD Turmys» JSHS, «Báıterek L.B.» JSHS, «Iýgdorservıs» JSHS, «NurTaýServıs» JSHS) mekeme júrgizedi.

Jalpy aýdan aýmaǵyndaǵy ortalyq kóshelerdiń uzyndyǵy 191 shaqyrym keletin 76 kósheni qardan tazartý jumystary10 baǵytqa bólingen. Ár baǵyt syzbasy daıyndalyp, kóshelerdiń uzyndyǵy eseptelgen. Kezekshi brıgadalar jumysqa daıyn.

210 adamdyq jumysshy top, 60 arnaıy qar kúreý, qum sebý jáne aıaqjoldardy tazalaý tehnıka belgilengen. Onyń ishinde 46 tehnıka qar tazalaý jáne ınertti materıaldardy sebýge arnalǵan bolsa, 4 tehnıka tıegish (pogrýzchık), 10 tehnıka samosval bar.

-Qys mezgilinde mektepterge baratyn aıaqjoldar ári jaryq, ári birinshi kezekte qardan tazarýy qajet. Bul jóninde tıisti tapsyrmalar berildi. Oryndalýy óz baqylaýymda bolady - dedi qala basshysy.