Almatyda joǵalǵan Aqnazar Qajymurattyń qaıtys bolǵany belgili boldy. Bul týraly qalalyq polısıa departamenti habarlady. 

Búgin áleýmettik jelide Aqnazardyń týǵan-týystary oǵan izdeý saldy. Ol 3 qarashada iz-túzsiz joǵalyp ketkeni habarlaǵan. Sol kúni keshki ýaqytta ájesimen telefon arqyly sóılesip, keıin baılanysqa shyqpaǵan. 

Almaty qalalyq polısıa departamenti jas jigittiń denesin Bostandyq aýdanynan tapty.

"Denesinde zorlyq-zombylyq izderi joq. Qazirgi kezde Aqnazardyń ólimine sebep bolǵan jaıttar anyqtalyp jatyr. Sot-medısınalyq saraptama taǵaıyndaǵan" delingen habarlamada. 

Aıta keteıik, 2018 jyly Aqnazar Qajymurattyń esimi álemniń jas daryndary arasynda keńinen tanyldy. Almatydaǵy fızıka-matematıka baǵytyndaǵy Nazarbaev zıatkerlik mektebiniń túlegi ACT jáne SAT Subject Tests halyqaralyq emtıhandarynan súrinbeı ótip, eń joǵary upaı jınady.

Sonyń arqasynda Amerıkanyń kez kelgen úzdik joǵary oqý ornyn tańdaýǵa múmkindik alǵan. Ol Garvard ýnıversıtetiniń grantyn aldy.