Densaýlyq saqtaý basqarmasynyń dereginshe, qazirgi tańda zardap shekken kenshilerdiń densaýlyǵy jaqsyryp keledi. Bul týraly Qaraǵandy oblystyq Maqajanov atyndaǵy medısına ortalyǵynyń basshysy Erik Shonbaev habarlady.

– 7 qarashada Maqajanov atyndaǵy emhanaǵa metan jáne kómirqyshqyl gazynan ýlanǵan 1960 jáne 1963 jyly týǵan eki naýqas jetkizildi. Olar alǵashqy kómek alý úshin jansaqtaý bólimine tústi. Naýqastar búgin ózderin jaqsy sezingendikten, palataǵa aýysty, – dedi Maqajanov atyndaǵy OMS jaǵdaı ortalyǵynyń basshysy Erik Shonbaev. 

İshki ister mınıstri Erlan Turǵymbaev "Abaı" shahtasyndaǵy úıindilerdi tazalaý jumystary júrgizilip jatqanyn aıtyp, tótenshe jaǵdaıdyń yqtımaldy sebebin atady.

– Aldyn ala málimetter boıynsha, tótenshe jaǵdaı metannyń jarylýynan bolǵan. Qazir prosedýralar júrip jatyr. Jarylys saldarynan qyzmetkerler qaza tapty. Saraptama qorytyndysyna sáıkes naqty sheshim qabyldanady. Qazirgi ýaqytta adam ólimi men jarylys faktisi boıynsha qylmystyq is qozǵaldy, − dedi Erlan Turǵymbaev.

7 qarasha saǵat 08.30-da Abaı shahtasynda jarylys bolǵan. Bul kezde jer astynda 64 adam jumys istep jatqan. Jarylys saldarynan 6 adam qaza taýyp, 2 adam zardap shekti.