Bos vakansıalar týraly habarlandyrýlar jarıalaıtyn HeadHunter saıtynyń mamandary qazaqstandyqtardan qandaı mólsherdegi jalaqyny "joǵary" dep sanaıtynyn suraǵan. Saýalnamaǵan 2641 adam qatysqan.

Saýalnamada jaýap bergenderdiń tek 6 paıyzy ǵana óz eńbekaqylary joǵary ekenin aıtsa, 9 paıyzy "joǵary shyǵar" degen. 32 paıyzy eńbek aqylarynyń jaqsy ekenin aıtqan. Jumys isteıtinderdiń 53 paıyzy jalaqysyn joǵary dep aıta almaıtynyn jetkizgen.

HeadHunter saıtynyń málimetinshe, qazirgi ýaqytta Nur-Sultan qalasynda usynylatyn eń joǵary ortasha jalaqy 258 myń teńge, Almatyda – 243 myń teńge.

Saýalnamaǵa qatysqandar Qazaqstan boıynsha 450 myń teńge jalaqyny joǵary dep sanaıtynynyn málim etken. Alaıda bul – óńirler boıynsha ártúrli. Máselen, saýalnamaǵa qatysqandar Nur-Sultanda joǵary jalaqy 560 myń teńge bolýy kerek dese, Almatyda –  540 myń, Qaraǵandyda –  510 myń teńge bolý kerek degen pikirde.

Sondaı-aq joǵary jalaqy qandaı bolýy kerek degenge turǵyndar arasynda "jınaýǵa jetetindeı, kredıtke kirip ketpeıtindeı bolýy kerek", "kvalısıkasıa men atqarylǵan jumysqa saı bolýǵa tıis", "jylyna bir ret demalýy jetýi qajet" degen jaýaptar da bolǵan.

Suralǵandardyń 45 paıyzy tabysy sońǵy bir jylda ózgermegenin aıtsa, 39 paıyzynda – joǵyralaǵan, 16 paıyzynda – azaıǵan.