Densaýlyq saqtaý mınıstrligi sanıtarlyq-epıdemıologıalyq baqylaý komıtetiniń basshysy Aıjan Esmaǵambetova saýda-oıyn-saýyq ortalyqtaryna qashan maskasyz kirýge bolatyny aıtty.

Esmaǵambetovanyń sózinshe, Ashyq qosymshasynda "jasyl" mártebesi bar qazaqstandyqtar úshin saýda ortalyqtaryna maskamen kirý erejesi saqtalady.

– Joq, maska kıý mindetti. Vaksına saldyrǵan adam qaıta aýrýy múmkin. Sondyqtan bul – óte qaýipti. Degenmen vaksınasıalanǵandarda indet jeńil ótedi. Infeksıany  juqtyrýy qaýpi de tómen, – dedi Esmaǵambetova úkimet otyrysynyń kýlýarynda. 

Eske salsaq, 2021 jylǵy sáýirde densaýlyq saqtaý mınıstri Alekseı Soı ujymdyq ımýnıtetti qalyptastyrý úshin vaksınasıalaýdyń 60 paıyzdyq shegine jetý kerektigin málimdegen. Sodan keıin ol maska rejımin alyp tastaýdy qarastyratynyn aıtqan.