AQSH sýdıasy Kapıtolııdegi tártipsizdikke baılanysty Donald Tramptyń Aq úıdegi keıbir jazbalaryna qol jetkizýge ruqsat berdi. AQSH kongresi komıteti burynǵy prezıdenttiń tártipsizdikke qatysyn tergep jatyr.

Al Tramp bul materıaldar "Aq úıdegi keıbir habarlamalardyń qupıalyǵyn qorǵaıtyn atqarýshy artyqshylyqtarǵa jatady" deıdi.

Tergeý Tramptyń tártipsizdikti aldyn ala bilgen-bilmegenin anyqtaýǵa tyrysýda.

Sheshim Tramptyń 10 kómekshisine zań shyǵarýshylar aldynda kýálik berý úshin zańdy shaqyrý qaǵazy berilgen kúni shyqty.

Tramptyń júzdegen jaqtasy osy jyldyń 6 qańtarynda Kapıtolıı ǵımaratyna basyp kirip,  prezıdent Djo Baıdenniń saılaýdaǵy jeńisiniń resmı kýáligin buzǵan.

Ókilder palatasynyń komısıasy telefon jazbalaryn, kelýshiler jýrnaly men Aq úıdiń basqa da qujattaryn kórgisi keledi.

Burynǵy prezıdent qujattardy jasyrý týraly buıryq berýdi suraǵan.