Shymkent qalasynyń bilim basqarmasyna qarasty Sattar Erýbaev atyndaǵy №24 IT mektep-lıseıiniń 11 synyp oqýshylaryna, kásibı baǵyt-baǵdar berý boıynsha kezdesý ótti. Kezdesýge Qazaqstannyń jetekshi joǵarǵy oqý oryndarynyń biri «NARXOZ» ýnıversıtetiniń mamany Toktybaeva Gýlıa Koıshybaevna men 2 kýrs stýdenti Konyrtaeva Jýldyz Bagdatkyzy qatysty.

Kezdesýde spıkerler mektep bitirýshi túlekterge ýnıversıtettegi múmkindikter jaıly, memlekettik grantta bilim alý múmkindigi jáne de ýnıversıtettiń ishki granttaryn (25,50,100 %) utyp alý týraly tyń aqparattyrymen bólise otyra, bolashaq túlekterge óz qalaýlary boıynsha mamandyq tańdaý qajet ekendigin jetkizdi.

Atap aıtqanda, kásiptik baǵdar berý - qoǵamnyń qajettiligine qaraı árbir oqýshynyń qabilettiligi men beıimdiligin eskere otyryp, kásipke qyzyǵýshylyǵyn qalyptastyrýǵa jáne bolashaq mamandyǵyn sanaly túrde tańdaýǵa kómektesýde, maqsatty atqarylatyn jumys. Kásiptik baǵdar berý jumysy jas urpaqtyń sanaly túrde bolashaq mamandyǵyn qatelespeı tańdaýǵa múmkindik jasaıdy.

Kóptegen oqýshylar bolashaq mamandyǵyn tańdaýda óziniń bilimin, qyzyǵýshylyǵyn nemese tańdalǵan mamandyǵynyń eńbek naryǵyndaǵy suranysyn eskermeı mamandyq tańdap jatady. Sondyqtan da mektep bitirýshi túlektermen josparly túrde kásiptik baǵdar berý máseleleri boıynsha, ár túrli aǵartýshylyq sharalar ótkizilýde. Osyndaı joǵarǵy oqý oryndarynyń mamandarymen kezdesýler men dárister uıymdastyrý arqyly oqýshylarǵa kásibı baǵyt berip, bolashaq mamandyqtaryn durys tańdaýǵa jol kórsetýge bolady.

Shymkent qalasynyń Aqparattyq-kommýnıkasıalyq ortalyǵy