2021 jyldyń 18 qarashasynda saǵat 09:30-da Rixos Khadisha Hotel (Jeltoqsan, 17) qonaq úıinde "YPO Forum Shymkent: Jańa shyndyqtaǵy Bıznes" atty úshinshi bıznes-forýmy ótedi.

YPO (Young Presidents Organization) – ár elde óz bólimsheleri/chapterleri bar bıznesmenderdiń jabyq halyqaralyq klýby. Jalpy, álemde klýbtyń 25 myń tabysty basshylary nemese bıznes basqarýshy músheleri bar. Jahandyq bıznes-netvorkıngke uıym músheleriniń kelisimimen ǵana qatysýǵa bolady. Qazaqstanda YPO quramyna 34 kásipker kiredi, olardyń jalpy kelisimimen chapter jańa múshelermen tolyqtyryla alady.

Forýmnyń spıkerleri jáne jas kásipkerlerdiń tálimgerleri, YPO klýbyna múshe qazaqstandyq alty jetekshi bıznesmen qatysady:
"Chocofamily" ınternet-holdınginiń Baqylaýshy keńesiniń negizin qalaýshy jáne tóraǵasy Ramıl Mýhorápov,
"tan Media Group" qojaıyny jáne "31 arna" TRK, sondaı-aq Qazaqstannyń basqa da táýelsiz BAQ negizin qalaýshy - Armanjan Baıtasov,
Bilim Media Group kompanıasynyń negizin qalaýshysy jáne basshysy Raýan Kenjehanuly,
"Freedom Holding Corp" jarıa kompanıasynyń bas atqarýshy dırektory jáne dırektorlar keńesiniń tóraǵasy Tımýr Týrlov,
"Alageum Electric" kompanıalar jelisiniń basshysy Erkebulan İlıasov,
Qazaqstandyq "BI Group" iri qurylys kompanıasynyń negizin qalaýshy jáne dırektorlar keńesiniń tóraǵasy Aıdyn Rahymbaev.

Osylaısha, qalyptasqan tabysty bıznes respýblıkadaǵy kásipkerlikti damytýǵa, salaýatty básekelestik ortany qalyptastyrýǵa, óz isin jańa bastaǵan jas qazaqstandyqtardy qoldaýǵa jáne yntalandyrýǵa óz úlesin qosady. Spıkerler jetistiktiń qupıalarymen, praktıkalyq keıstermen jáne bizdiń elimizde bıznes júrgizý boıynsha keńesterimen bólisedi.

Aldaǵy forým týraly aqparat jumys istep turǵan bıznes ıeleri men startaperler arasynda ǵana emes, kásipkerlik salasynda óz áleýetin iske asyrý maqsaty bar jastar arasynda da qyzyǵýshylyq týǵyzdy.

Qatysý úshin myna saıtqa tirkelý kerek: www.sbf2021.kz

Shymkent qalasynyń Aqparattyq-kommýnıkasıalyq ortalyǵy