Qazaqstanǵa dúnıejúzilik densaýlyq saqtaý uıymy maquldaǵan Covid-19-ǵa qarsy Pfizer vaksınasynyń alǵashqy partıasy jetkizildi. Buryn qol qoıylǵan kelisim sheńberinde Comirnaty Pfizer/BioNTech vaksınasynyń 4 mln dozasy satyp alynǵan, dep habarlady COVID-19 taralýyna jol bermeý jónindegi vedomstvoaralyq komısıa baspasóz qyzmeti.

Comirnaty – amerıkalyq Pfizer kompanıasy men Germanıanyń BioNTech tehnologıalyq kompanıasy shyǵarǵan RNQ-ǵa negizdelgen matrısalyq vaksınanyń (mRNQ) saýda ataýy. Vaksınasıa kýrsy 21-28 kún aralyǵymen engiziletin eki dozadan turady.

Vedomstvoaralyq komısıa vaksınany biryńǵaı dıstrıbútor densaýlyq saqtaý mınıstrliginiń bólý kestesine sáıkes jedel tártippen óńirlerge jetkizetinin málim etti.

Comirnaty Pfizer/BioNTech vaksınasy DDU-ǵa shuǵyl qoldanýǵa ruqsat etilgen, vaksına AQSH, Ulybrıtanıa, Kanada jáne EO-da qoldanylady. Klınıkalyq zertteýlerdiń nátıjeleri boıynsha onyń tıimdiligi 95 paıyzdy quraıdy. Bul AQSH-ta jedel qoldanýǵa ruqsat etilip, (Tótenshe paıdalaný avtorızasıasy, EUA) aıasynda qoldanyla bastaǵan alǵashqy vaksına.

Vaksına 12 jasqa tolǵan balalar men júkti áıelderge salynady dep josparlanǵan.

Qazaqstan aýmaǵynda halyqty vaksınasıalaý úshin "QazVac", "Spýtnık V", "Hayat-Vax", "Soronavac", "Sinopharm" vaksınalary qoldanyldy.