Tarazda avtobýs júrgizýshisi 58 jastaǵy áıeldi qaǵyp ketti. Bul týraly Jambyl oblysy polısıa departamentiniń baspasóz qyzmeti habarlady.

Oblystyq polısıa departamentiniń málimetinshe, oqys oqıǵa búgin tańǵy saǵat 08:50-de bolǵan.

22 jastaǵy qoǵamdyq kólik júrgizýshisi qaladaǵy Jambyl men Tóle bı kósheleriniń qıylysynda jaıaý júrginshiler jolynan ótip bara jatqan 58 jastaǵy áıeldi qaqqan. Saldarynan turǵyn oqıǵa ornynda kóz jumǵan.

"Bul fakt boıynsha Qylmystyq kodekstiń 345-baby 3-bóligi (kólik quraldaryn paıdalaný qaǵıdalaryn buzý, abaısyzda adam ólimine ákep soqqan is-áreket) boıynsha sotqa deıingi tergeý bastaldy. Sot-medısınalyq saraptamasy taǵaıyndaldy", dep jazylǵan habarlamada.

Polısıa departamenti basqa aqparat tergeý múddesinde sáıkes jarıa etilmeıtinin habarlady.