Shymkent qalasynyń ákimi M.Áıtenovtyń tapsyrmasyna sáıkes, gaztehnıkalyq ınspeksıa bólimi men aýdandyq ákimdikter jáne de Tótenshe jaǵdaılar departamenti birlese otyryp, turǵyndarǵa qaýipsizdik sharalaryn saqtaý boıynsha túsindirme jumystaryn turaqty túrde júrgizip keledi.

Jyl basynan beri, bólim qyzmetkerleri qala turǵyndaryna qaýipsizdik sharalaryn saqtaý boıynsha túsindirý jumystary barysynda 25 myń dana habarlama taratty. Sonymen qatar, turǵyndardyń gaz paıdalaný kezindegi qaýipsizdik sharalaryn saqtaý boıynsha tele arnada apta saıyn 5 vıdeorolık kórsetildi jáne ınternet resýrstarynda da jarıalandy.

Gazdan ýlaný boıynsha oqys oqıǵalar kóbinese turǵyndar tehnıkalyq talaptary saqtamaýy saldarynan oryn alyp otyr. 2020-2021 jyldyń jylytý maýsymynda qala boıynsha ýlaný saldaryna 8 adam qaıtys bolǵan.

Sonymen qatar, qala aýmaǵynda demeýshiler esebinen 2019 jyly 776 gaz dabylqaqqysh, 2020 jyly 1 102 gaz dabylqaqqysh, 2021 jyly úılerge búdjet esebinen 2 192 gaz dabylqaqqysh ornatylǵan. Al, qurylysy júrip jatqan úılerge 2022 jyly búdjet esebinen 2 424 gaz dabylqaqqysh ornatý josparlanýda.

Qurmetti qala turǵyndary!

Egerde óz betterińizben avtonomdyq jylytý jabdyqtaryn nemese basqa da gazdyq qurylǵylardy ornatqan jaǵdaıda zańnamaǵa sáıkes, tıisti ákimshilik sharalar qoldanylatynyn eskertemiz.

Shymkent qalasynyń Aqparattyq-kommýnıkasıalyq ortalyǵy