18 qarasha, saǵat 11:00-de Nur-Sultan qalasyndaǵy “Dıplomat” qonaq úıiniń “Báıterek” májilis zalynda (Qonaev kóshesi, 29/1) Qazaq sharýalarynyń İ Quryltaıy ótedi.

Aýylsharýashylyq salasyndaǵy kóp másele kúrdelenip bara jatqany jasyryn emes. Mańǵystaý, Atyraý, Qyzylorda, jalpy Qazaqstannyń biraz bóligindegi qýańshylyq, jut jaǵdaıy tipten asqynyp ketip, eldi alańdatyp otyrǵany da belgili.

«Quryltaıdyń maqsaty – sharýa men bılik arasyndaǵy baılanysty jandandyrý. Eki jaqty mámilege kelý. Basqa saıasatta isimiz joq!», – dep aýylsharýashylyq eksperti Almasbek Sadyrbaev óz paraqshasynda jazdy. Sondaı-aq quryltaı aıasynda tómendegi taqyryptardy taldaımyz, sheshim izdeımiz dep atap ótti:

1. Mańǵystaýdaǵy jut. Onyń saldarymen kúresý;
2. Túrkistan, Jambyl oblystaryndaǵy sýbsıdıa daýy;
3. Astyq óńdeý máseleleri jáne jemniń baǵasyna áseri;
4. Maıly daqyldardy óńdeý máseleleri;
5.Jún óńdeý máselesi;
6. Aýylsharýashylyq salasyn sýbsıdıalaýdaǵy jemqorlyqqa qarsy is-qımyl áreketteri;
7. Qazaqstandaǵy jylqy sharýashylyǵyn damytý;
8. Nesıeler prolongasıasy mehanızmindegi shalalyqtar;
9. Aýylsharýashylyǵyn qarjylandyrý jáne nesıe prolongasıasy máselesi;

Bul Táýelsizdik alǵaly beri úlken kólemde óteıin dep otyrǵan I Quryltaı. Prezıdent Ákimshiliginen bastap, mınıstrlerge, partıa basshylaryna, tanymal qoǵam ókilderine, zıaly qaýymǵa, jýrnalıser men blogerlerge, ekologtarǵa deıin shaqyrtý jiberiletinin jáne qatysamyn, kelip kóremin, sóıleımin degen azamattarǵa shekteý qoıylmaıtynyn da tilge tıek etken.

Elenora Ámir