Rejıser Ádilhan Erjanovtyń «Sary mysyq» fılmi elimizdiń atynan «Oskar» júldesine usynyldy.

«Sary mysyq» kınokartınasy "Shet tilindegi úzdik fılm" atalymy boıynsha syılyqqa usynylyp otyr. Týyndy kınopremıanyń long-lıst tizimine enip úlgerdi. Bul – rejıser Erjanovtyń tolyqmetrajdy toǵyzynshy kórkem fılmi.

Fılmde basty rólderdi Azamat Nyǵmanov, Kamıla Nuǵmanova, Erken Ǵubashev, Erjan Jamanqulov jáne Sanjar Mádı somdaǵan.

Kınokartınanyń álemdik premerasy byltyrǵy jyly 77-shi Venesıa kınofestıvaliniń «Kókjıekter» konkýrstyq baǵdarlamasy aıasynda ótken bolatyn. Fılm osyǵan deıin de birneshe halyqaralyq festıválderge qatysyp, birneshe marapatqa ıe bolǵan. Qyrkúıek aıynda Italıanyń Verona qalasynda ótken festıválde «Úzdik fılm» dep tanylǵan. Dál osy atalymmen Belgıanyń Búgge qalasynda ótken festıválde de marapatqa ıe boldy. Sondaı-aq, Shvesıa astanasy Stokgolmde ótken Hope International Film Festival-de Ádilhan Erjanov "Úzdik rejıser" atandy. Qytaıda ótken «Jibek joly» halyqaralyq kınofestıvalinde «Erekshe senarı» júldesimen marapattalsa, Silk Road IFF festıvaliniń «Arnaıy syılyǵy», Batýmı kınofestıvalinde «Úzdik rejıser» syılyǵyn ıelengen. «Máskeý premerasy» festıvalinde kınosynshylardyń arnaıy júldesin jeńip alǵan.

«Oskar» júldesi nomınanttarynyń tizimi 8 aqpanda, al saltanatty marapattaý rásimi Los-Anjeleste 2022 jyldyń 27 naýryzynda ótedi.

Elenora Ámir