"Qytaıdaǵy múlik baǵalarynyń quldyraýy týraly resmı málimetterdiń jarıalanýy jalǵasa tústi. Bul – úı baǵasynyń 2015 jyldan bergi bir aıdaǵy eń úlken quldyraýy" dep habarlady BBC.

Qańtar-qazan aılarynda bastalǵan jańa qurylystar bir jyl burynǵymen salystyrǵanda 7,7%-ǵa tómendegen.

Qytaı jyljymaıtyn múlik naryǵy sońǵy aılarda quldyraı bastady, óıtkeni eldiń jyljymaıtyn múlik alpaýyty "Evergrande" kompanıasy qarjylyq daǵdarysqa ushyrady.

Qytaıda Kovıd jaǵdaılarynyń jańa tolqyny jáne elektr qýatynyń aıtarlyqtaı toqtaýy da tirkeldi. Qazan aıynda úı baǵasynyń 0,2%-ǵa tómendeýi 2015 jyldyń aqpan aıynan beri baıqalǵan eń úlken quldyraý.

Bul – sonymen qatar 2015 jyldyń naýryzynan bergi úı baǵasynyń alǵashqy tómendeýin bildiredi.

Mamandar "Qytaı ekonomıkalyq belsendiliginiń shamamen tórtten birin quraıtyn jyljymaıtyn múlik naryǵynyń shatqaıaqtaýy ǵalamdyq ekonomıkaǵa áser etýi múmkin" deıdi.

Sarapshylar Qytaıdaǵy qaryz daǵdarysy álemdik qarjy naryǵyna áser etetin keıbir halyqaralyq iri ınvestorlar arasynda alańdaýshylyq týdyrǵanyn aıtady.