NATO-nyń bas hatshysy Iens Stoltenberg Reseıdi Ýkraına mańyndaǵy áskerı áreketterine qatysty ashyqtyq tanytýǵa shaqyrdy, biraq ol Máskeý burynǵy keńestik kórshisine basyp kirýge daıyndalyp jatqan bolýy múmkin degen boljam aıtýdan bas tartty.

Stoltenberg tvıtterde "NATO Ýkraına shekarasyna jaqyn jerde Reseı kúshteriniń shoǵyrlanýyn muqıat qadaǵalap otyr. Biz Reseıdi ashyq bolýǵa, shıelenisti boldyrmaýǵa jáne qaıshylyqty azaıtýǵa shaqyramyz" dep jazdy.

Fransıa men Germanıa Reseıge Ýkraına shekarasyndaǵy áskerı kúshteriniń kúsheıýi beıbitshilikke qaýip tóndiretinin eskertken. Jaǵdaı shıelenisse, Parıj ben Berlın Kıevpen birge bolatynyn aıtty.

Fransıa men Germanıanyń syrtqy ister mınıstrleri dúısenbi kúni Máskeýdiń máseleni talqylaýdan bas tartqanyna ókinish bildirip, Ýkraına úkimetin qoldaıtyndaryn málimdedi.

"Ýkraınanyń aýmaqtyq tutastyǵyn buzatyn kez kelgen áreket aýyr zardaptarǵa ákeledi" delingen birlesken málimdemede.