AQSH prezıdenti Djo Baıden men Qytaı Halyq Respýblıkasynyń tóraǵasy Sı Szınpın arasynda ótken vırtýaldyq samıt aıaqtaldy, dep jazady VVS.

VVS vırtýaldyq kezdesý Taıvan, saýda jáne adam quqyǵy sekildi máseleler boıynsha eki el arasy ushyǵyp turǵan ýaqytta ótkenine nazar aýdardy.

Baıden jıynda ekeýara básekelestik ashyq janjalǵa ulasyp ketpeýine eki tarap ta jaýapty ekenin aıtqan.

Onlaın kezdesý kezinde klımattyq ózgerister men Covid-19-ǵa qarsy kúres, básekelestikke túskende aqylmen áreket etý, oıyn erejesin buzbaı, bir-biriniń qundylyǵy men múddesin qurmetteý máseleleri sóz bolǵan.

Sarapshylar Baıden qundylyq pen múdde týraly aıtqanda sońǵy ýaqytta túrli janjalǵa sebep bolyp júrgen Taıvan máselesin meńzegenin aıtady.

Qytaı Taıvanǵa ózinen bólektengen provınsıa esebinde qarasa, Taıvan ózin egemen el sanaıdy. Al AQSH Taıvannyń ustanymy jaǵynda.

Ótken aıda Baıden AQSH Taıvanǵa Qytaı shabýyldaıtyn bolsa, ony qorǵaıtynyn málim etken.

VVS eki derjava basshylarynyń kezdesýige kelisýi olardyń buǵan deıingi ashyq jaýlasýynan eki jaqqa da paıda kelmegenin bildiretinin jazady.