Almatydaǵy Aqbulaq yqshamýdanynda bes adamǵa oq atqan Igor Dýjnovtyń beti kógergen degen aqparatqa qatysty sybaılas jemqorlyqqa qarsy qyzmet sotaldy tergeýdi bastady. Bul aóparatty Almaty prokýratýrasy rastady.
"Kúdikti Igor Dýjnovqa qatysty zorlyq-zombylyq jasalǵany týraly Almaty boıynsha sybaılas jemqorlyqqa qarsy qyzmet sotaldy tergeýdi bastady. Qylmystyq kodekstiń 362-baby 2-bóligi ("Bılikti nemese laýazymdyq ókilettikterdi asyra paıdalaný arqyly zorlyq-zombylyq jasaý") boıynsha is júrgizilip jatyr" delingen qalalyq prokýratýranyń habarlamasynda.
Buǵan deıin ustalǵannan úsh kún ótken soń, sot otyrysyna qatysýshylar Igor Dýjnovtyń betinde kógergenge uqsas qara daqtardy baıqaǵany habarlanǵan. Sodan keıin qalalyq prokýratýra bul derekti tirkep, materıaldardy tekserý jáne prosesýaldyq sheshim qabyldaý úshin sybaılas jemqorlyqqa qarsy qyzmetke jibergen.
Igor Dýjnov 20 qyrkúıek kúni keshki saǵat 17:00 shamasynda Almatydaǵy Aqbulaq yqshamaýdanyndaǵy úıinen shyǵarýǵa kelgen polıseıler men sot oryndaýshylarǵa oq atyp, saldarynan 5 adam ólgen.
Aqbulaqtaǵy tragedıa: Qaıtys bolǵandar týraly aqparat belgili boldy
Almatydaǵy atys: 5 adamdy óltirgen kúdikti kim ekeni anyqtaldy
Pikir qaldyrý